سەرۆککۆماری ئێران: تاوانی هێرشکردنە سەر باڵیۆزخانەی دیمەشق بێ وەڵام نابێت

ئاڤا نیوز

 

ئیبراهیم ڕەئیسی، سەرۆککۆماری ئێران "بەتووندی" هەڕەشەی لە ئیسرائیل کرد و دەڵێت، وەڵاممان دەبێت. 

 

لێدوانی فەرمی: ئیبراهیم ڕەئیسی، سەرۆککۆماری ئێران گوتی "با زایۆنیستەکان بزانن کە بە ئامانجەکانیان ناگەن و تاوانی هێرشکردنە سەر باڵیۆزخانەی دیمەشق بێ وەڵام نابێت".

 

زانیاریی زیاتر: بە گوتەی ڕەئیسی "ئیسرائیل ڕۆژ لە دوای ڕۆژ شایەتی بەهێزبوونی بەرەی خۆڕاگری و بێزاری و ڕق و کینەی گەلانی ئازادن لە سروشتی ناشەرعی خۆیان".

 

چیرۆکی سەرەکی:  کاتژمێر 05:00ـی ئێوارەی ڕۆژی دووشەمە ئیسرائیل هێرشی کردە سەر باڵیۆزخانەی ئێران لە دیمەشق 11 پاسداری ئێرانی کوژران کە حەوتیان ئەفسەری باڵای سەربازی ئەو وڵاتە بوون.