لێدوانی بانکی ناوەندی و وەزارەتی دارایی لەبارەی ناردنی پارە و دابەشکردنی مووچە

ئاڤا نیوز

لەگەڵ خەرجکردنی مووچەی مووچەخۆران لەلایەن بەغداوە، وەزارەتی دارایی و ئابووری لەماوەی دوو بۆ سێ ڕۆژدا دابەشکردنی مووچە تەواو دەکات. 


چیرۆکی سەرەکی: ئەمڕۆ سێشەممە کۆبوونەوەی ئەنجوومەنی وەزیرانی عێراق بەڕێوەچوو، لە کۆبوونەوەکەدا بڕیار لە خەرجکردنی مووچەی مانگی حەوت درا، بە گوێرەی زانیارییەکانی پەیامنێری ئاڤا لە بەغدا، گفتوگۆ لەبارەی ناردنی مووچە مانگی هەشت و مانگەکانی دواتریش کراوە. 


لێدوانی فەرمی: سەرچاوەیەکی باڵا لە ئەنجوومەنی وەزیرانی عێراق بە ئاڤای ڕاگەیاند:  لە کۆبوونەوەی ئەنجوومەنی وەزیرانی عێراق بڕیاری خەرجکردنی مووچەی مانگی حەوتی مووچەخۆرانی هەرێمی کوردستان درا، عێراق لە بەرامبەردا مەرجی ناردنی 120 ملیار دینار داهاتی نانەوتی داناوە.


زانیاریی تایبەت: وەزارەتی دارایی و ئابووری هەرێمی کوردستان بە ئاڤای گوت: لەگەڵ گەیشتی پارە لەماوەی دوو بۆ سێ ڕۆژدا پارەی تەواوی مووچەخۆران دابەش دەکەن و لیستی دابەشكردنی مووچەش هاوشێوەی مانگەکانی ڕابردوو دەبێت.