هەشت کۆمپانیای نێودەوڵەتیی نەوت ئامەدەییان بۆ هەناردەکردنەوەی نەوتی کوردستان ڕاگەیاند

ئاڤا نیوز

دوای ڕێککەوتنی سێقۆڵی لەبارەی نەوتی کوردستان، هەشت کۆمپانیای نێودەوڵەتیی نەوت ئامەدەییان بۆ هەناردەکردنەوەی نەوتی کوردستانیان ڕاگەیاند.

چیرۆکی سەرەکی: ڕۆژی دووشەممە ڕێککەوتنی سێقۆڵی لەنێوان وەزارەتی سامانە سرووشتییەکان و کۆمپانیای نەوتی باکوور و کۆمپانیاکانی بەرهەمهێنانی نەوت لەبارەی هەناردەکردنەوەی نەوتی کوردستان واژۆکرا.

ڕاگەیێنراوی فەرمی: ڕوسێڵ فریمان، بەڕێوەبەری جێىەجێکاری کۆمپانیای HKN  ڕاگەیێنراوێکی دەرکردووە و تێیدا بە ناوی کۆمپانیاکانەوە ئاماژەی بەوە داوە کە:

٠ هەشت کۆمپانیای نێودەوڵەتیی نەوت کە لەگەڵ حکومەتی هەرێمی کوردستان زیاتر لە 90%ـی بەرهەمی نەوتی کوردستانیان لەدەستدایە، خۆشحاڵن بەوەی ڕایبگەیێنن کە گەیشتوونەتە ڕێککەوتنێکی بنەڕەتیی کاتی لەگەڵ حکومەتی عێراق و حکومەتی هەرێمی کوردستان بۆ دەستکردنەوە بە هەناردەکردنەوەی لە ڕێگەی بۆری نەوتی عێراق - تورکیا.

٠ کۆمپانیاکانی هەناردەکردنەوەی نەوت پێزانیان بۆ محەممەد شیاع سودانی، سەرۆکوەزیرانی عێراق هەیە بۆ ڕۆڵیان لە هاتنە ئارای ئەم ڕێککەوتنە کە لە ڕۆژانی داهاتوودا واژو و پەسەند دەکرێت. ئەوان هەروەها سوپاسی مەسرور بارزانی، سەرۆکوەزیرانی هەرێمی کوردستان دەکەن بۆ پشتیوانیی بەردەوامیان بۆ ئەم بڕیارە و بۆ هاوبەشە نێودەوڵەتییەکان لە گەیشتن بەم چارەسەرەی کە بە ڕەزامەندی و لە بەرژەوەندیی عێراق، هەرێـمی کوردستان و بازاڕی وزەی جیهانییە.

٠ لە دوای واژۆکردن و جێبەجێببوونی، ئەم ڕێککەوتنە کاتییە ڕێ بۆ ڕێککەوتنێکی درێژخایەن خۆش دەکات. ڕێککەوتنە کاتییەکە لەگەڵ یاسای بودجەی 2023-2025 هاوتەریبە.

٠ حکومەتی عێراق و حکومەتی هەرێمی کوردستان ڕێککەوتوون کە لە ماوەی 30 ڕۆژدا دەست بە هەناردەکردنەوە بکرێت و کار بکەن بۆ درووستکردنی میکانیزمێک بۆ یەکلاکردنەوەی پرسی قەرزەکان.