ناتۆ جەنگی ئۆكراینا تاوتوێ دەكات

ئاڤا نیوز

وەزیرانی دەرەوەی ناتۆ بۆ بەشداری لە لوتكەی هاوپەیمانێتییەكە گەیشتنە برۆكسلی پایتەختی بەلجیكا،كۆبوونەوەكە دوو ڕۆژ بەردەوام دەبێت و جەنگی ئۆكراینا تاوتوێ دەكرێت.

 

ئەوەی پێویستە بیزانیت : تەوەری سەرەكی كۆبوونەوەی لوتكەی هاوپەیمانی باكووری ئەتڵەسی، جەنگی ئۆكراینا و ڕووسیا و ئاڵۆزییەكانی رۆژهەڵاتی ناوەڕاست و جەنگی غەززە دەبێت.

لەلایەكی دیكەوە: ئەنتۆنی بلیینكن، وەزیری دەرەوەی ئەمریكا پێش ئەوەی گەشتی برۆكسل بكات، سەردانی ناوچەی فرسای نزیك لەپاریسی پایتەختی فەرەنسای كرد و لەگەڵ وەزیری بەرگری ئەو وڵاتە كارەكانی گروپی كۆمپانیاكانی (كا ئان دی ئاس)ی ئەڵمانی- فەرەنسی بەسەركردەوە كە بەمدواییە تۆپهاوێژێكی نوێی پێشكەوتووی بەرهەم هێناوە و بڕیارە رادەستی سوپای ئۆكراینای بكات.

 زانیاریی زیاتر: كۆبوونەوەكەی ناتۆ بەبۆنەی 75 ساڵیادی دامەزراندنی هاوپەیمانێتیەكەیە و دوو رۆژ بەردەوام دەبێت.