لە وان 15 ڕۆژ قەدەغەی هاتووچۆ ڕاگەیێنرا

ئاڤا نیوز

 

دوای گرژی و ئاڵۆزییەکانی شاری وانی باکووری کوردستان، حکومەتی تورکیا بۆ ماوەی 15 رۆژ قەدەغەی هاتووچۆی لەو شارە ڕاگەیاند.

 

بۆچی گرنگە؟ ئەم بڕیارە بۆ ڕاگرتنی ناڕەزایەتییەکانی خەڵکی وانە لە دژی قەدەغەکردنی مافی سەرۆکایەتیکردنی شارەوانیی وان لە بەربژێرەکەی دەمپارتی.

 

ڕاگەیێنراوی فەرمی: محەمەد ئەمین بیلمەز، پارێزگاری وان ڕایگەیاند: "ئەو کەس و گرووپانەی لە پارێزگا و قەزاکانی دەوروبەرەوە دێن بۆ ئەو ناڕەزایەتیانەی کە باسی لێوە دەکرێت، ڕێگەیان پێنادرێت بچنە نێو شار و قەزاکانەوە".

 

ئەوەی پێویستە بیزانیت: ئەم بڕیارە لە کاتێکدایە، ژمارەیەکی زۆر لە بەرپرسانی دەمپارتی بۆ بەشداریکردن لە خۆپیشاندان و ناڕەزایەتییەکان بەرەو وان بەڕێکەوتوون.

 

ئەمەش بزانە: لە دوای وان لە بەدلیسش خۆپیشاندان و ڕێپێوان قەدەغەکرا، بە هەموو شێوەیەک چوونە ژوورەوە و دەرچوون لە شارەکە ڕاگیرا.