لە باکووری کوردستان 89 خۆپیشاندەر دەستبەسەر دەکرێن

ئاڤا نیوز

 

وەزارەتی ناوەخۆی تورکیا 89 خۆپیشاندەری بەشێک لە شارەکانی باکووری کوردستانی بە تۆمەتی "ئاژاوەگێڕی و گوتنەوەی گوتافەکانی پەکەکە" دەستبەسەر کرد.

 

وێنە گەورەکە: وەزارەتی ناوەخۆی تورکیا بەگشتی 89 کەسی لە سەرتاسەری باکووری کوردستان دەستبەسەر کردووە، 26 لە وان، 29 لە جۆڵەمێرگ یوکسەکۆڤا، 9 لە سەنتەری جۆڵەمێرگ، 4 لە سیرت، 5 لە باتمان، 10 لە شرناخ و 6 لە ئیزمیر.

 

لێدوانی فەرمی: عەلی یەرلیکایا، وەزیری ناوخۆی تورکیا ڕایگەیاند: "ئەو کەسانە لە ڕێپێوانەکاندا گوتافەکانی پەکەکەیان دەگوتەوە، هێزە ئەمنییەکانمان بەردەوامن لە ماندووبوون بۆ ئارامی و ئاسایشی وڵاتەکەمان".

 

چی ڕوویدا؟ دوای ئەوەی دادگەی تورکیا بڕیاریدا، مافی بوون بە سەرۆک شارەوانیی وان لە عەبدوڵلا زەیدان، بەربژێری دەمپارتی قەدەغە بکات، لایەنگرانی ئەو پارتە لە زۆربەی شارەکانی باکووری کوردستان ڕژانە سەر شەقامەکان.