هەژماری من خشتەیەکی نوێی دابەشکردنی مووچەی بڵاو کردەوە

ئاڤا نیوز

سبەی هەینی مووچەخۆرانی دوو وەزارەت و 11 فەرمانگە و بەڕێوەبەرایەتی؛ ئەوانەی لە هەژماری من تۆماركراون، پارە دەخرێتە سەر ئەژمارە بانكییەكانیان و دەتوانن مووچەی مانگی حەوت ڕابكێشن.

وێنە گەورەكە: ئێستا زیاتر لە 500 هەزار فەرمانبەر و خانەنشین لەڕێی هەژماری من مووچەكانیان وەردەرگرن، بە كۆی گشتیش؛ زیاتر لە 900 هەزار مووچەخۆر لە پرۆژەكە تۆماركراون و لە ئاییندەیەكی نزیكدا كارتی بانكییان وەردەگرنەوە.

زانیاریی بەدەستهاتوو: سەرچاوەیەك لە تیمی هەژماری من تایبەت بە ئاڤا ڕایگەیاند، تەنها لە دوو ڕۆژی ڕابردوودا، زیاتر لە 300 هەزار مووچەخۆر لەڕێگای ئەی تی ئێمەكانەوە، زووتر لە وادەی دیاریكراو بۆ دابەشكردنی مووچە، مووچەكانیان چووە سەر هەژماری بانكییان و مووچەكانیان وەرگرت و لە ڕۆژانی داهاتووشدا 191 هەزار مووچەخۆری دیكە لەڕێگای هەژماری من مووچەكانیان وەردەگرن.

ڕاگەیێنراوی فەرمی: سبەی هەینی مووچەخۆرانی تۆمارکراو لە هەژماری من لە هەریەك لە وەزارەتی پێشمەرگە، بەڕێوەبەرایەتیی گشتیی ژمێریاریی سەربازی، بەڕێوەبەرایەتیی لاوانی ڕاپەڕین، فەرماندەیی هێزەكانی 80، پارە دەخرێتە سەر هەژمارەکانیان و دەتوانن مووچەی مانگی حەوت ڕابکێشن.

زانیاریی زیاتر: هاوكات كارمەندانی وەزارەتی ناوخۆ، فەرماندەی پێشمەرگەی زێرەڤانی، هێزەكانی ئاسایشی ناوخۆ، بەڕێوەبەرایەتیی تاقیگەی بیناسازی هەڵەبجە، فەرمانگەی ژینگەی ڕاپەڕین، بەڕێوەبەرایەتیی سەرچاوەكانی ئاوی ڕاپەڕین، بەڕێوەبەرایەتیی دابەشكردنی كارەبای سەیدسادق، بەڕێوەبەرایەتیی كار و ڕاهێنانی پیشەیی هەڵەبجە و هێزی فریاكەوتن لەچوارچێوەی هەژماری من، مووچەكانیان وەردەگرن.

زانیاریی بەدەستهاتوو: تەنها ئەمڕۆ و دوێنێ، زیاتر لە 300 هەزار مووچەخۆر لەڕێگای ئەی تی ئێمەكانەوە، زووتر لە وادەی دیاریكراوی خۆی بۆ دابەشكردنی مووچە، مووچەكانیان چووە سەر هەژماری بانكییان و مووچەكانیان وەرگرت و لە ڕۆژانی داهاتووشدا 191 هەزار مووچەخۆری دیكە لەڕێگای هەژماری من مووچەكانیان وەردەگرن.

ئێستا زیاتر لە 500 هەزار فەرمانبەر و خانەنشین لەڕێی هەژماری من مووچەكانیان وەردەرگرن، تا ئێستاش زیاتر لە 900 هەزار مووچەخۆر لە پرۆژەكە تۆماركراون و لە ئاییندەیەكی نزیكدا كارتی بانكییان وەردەگرنەوە.