ئەڵمانیا؛ بەهۆی گۆڕانی کەشوهەوا چیدیکە نامەکان بە فڕۆکە نانێردرێن

ئاڤا نیوز

 

لە ئەڵمانیا دوای 63 ساڵ کۆتایی بە بەکاربردنی گەشتە ئاسمانییەکان بەمەبەستی گواستنەوەی نامە دەهێنرێت، بەم پێیە گوشارەکانی سەر کۆمپانیای پۆستەی ئەڵمانیا بۆ گواستنەوەی خێرایی نامەکان کەمتر دەبێتەوە. 

 

بۆچی گرنگە: ئەم هەنگاوە لەبەر گۆڕانە ژینگەییەکان کراوە و مەبەست لێی کەمکردنەوەی دەردانی گازی دووانە ئۆکسیدی کاربۆنە، هاوکات کەمبوونەوەی گرنگیی ناردنی نامە بە ڕێگەی ئاسمانی ڕێخۆشکەر بووە بۆ دەکردنی بڕیارێکی لەو چەشنە. 

 

ئەوەی پێویستە بیزانیت: لەمەودوا، نامەکان لە ڕێگەی زەمینی دەگوازرێنەوە، ئەمەش دەبێتە هۆی کەمکردنەوەی دەردانی گازی دوانە ئۆکسیدی کاربۆن بە ڕێژەی 80%. 

 

زانیاریی زیاتر: پێشتر 80%ـی نامەکان ڕۆژێک دوای ناردنیان دەگەشتنە شوێنی مەبەست، ئێستا بەگوێرەی پلانی نوێ 95%ـیان دوای سێ ڕۆژی کاری دەگەن.