هاوکاری دارایی هاوپەیمانان بۆ مانگی 9 دابەش دەکرێت

ئاڤا نیوز

 

بڕیارە سبەی دووشەممە هاوکاریی دارایی هاوپەیمانان دابەش بکرێت و ڕێژەی %97ـیان لەڕێگای ئامێرەکانی ڕاکێشانی پارەی پڕۆژەی هەژماری من هاوکارییەکە وەردەگرن.

 

زانیاریی بەدەستهاتوو: سەرچاوەیەک لە وەزارەتی پێشمەرگە بە ئاڤا میدیای وت، سبەی دووشەممە دەست دەکرێت بە دابەشکردنی هاوکاریی هاوپەیمانان بۆ مانگی نۆ، بۆ ئەم مانگەش %97ـی ئەفسەر و پلەدار و پێشمەرگەکان لە ڕێگای ئامێرەکانی ڕاکێشانی پارە هاوکارییەکە ڕادەکێشن.

 

لەلایەکی دیکەوە: ئەمڕۆ یەکشەممە، وەزارەتی پێشمەرگە ڕایگەیاند، هاوکاریی دارایی هاوپەیمانان بۆ مانگی 9 تەمویلی وەزارەتی پێشمەرگە کرا و لەلایەن بەڕێوەبەرایەتىی گشتىی بودجە و بەرنامەکان (ژمێریارىی سەربازى) دەست دەکرێت بە ئەنجامدانی ڕێکارە دارایی و ژمێریارییەکان بۆ تەواوکردنی ئامادەکارییەکان.

 

بەگوێرەی ڕاگەیێنراوەکەی وەزارەتی پێشمەرگە بەشێک لە ئەفسەر و پلەدار و پێشمەرگەکان بە سیستمی پڕۆژەی هەژماری من هاوکارییەکە وەردەگرن و ئەوانەشی دەمێننەوە، لەڕێگەی سیستمی بانکی دیکەوە هاوکارییەکە وەردەگرن.