بەهێزترین بوومەلەرزە لە 25 ساڵی ڕابردوودا تایوانی هەژاند

ئاڤا نیوز

 

بوومەلەرزەیەكی بەهێز تایوانی هەژاند و بەهۆیەوە نۆ كەس گیانیان لەدەست دا و 800 کەسی دیکەش برینداربوون.

 

چیرۆکی سەرەکی: بەرەبەیانی ڕۆژی چوارشەممە 03-04-2024 بوومەلەرزەیەكی بەهێز بەگوڕی 7.4 پلەی ڕێختەر كەناراوەكانی نزیک هەرێمی هوالین – ڕۆژهەڵاتی تایوانی هەژاند.

 

لێدوانی فەرمی: لێپرسراوانی باڵای تایوان ڕایانگەیاندووە: هەوڵەكانیان بۆ بەهاناوەچوونی ئەو كەسانەی لەژێر داروپەردووی باڵەخانەكان گیریان خواردووە چڕكردووەتەوە، هەروەها ژمارەیەكی زۆر بارهەڵگری پڕ لە جلوبەرگ و پێداویستی ڕەوانەی ئەو شارانە كراون كە بەهۆی بوومەلەرزەكەوە زیانیان پێگەیشتووە.

 

ژمارەكان وادەڵێن: بەهۆی بوومەلەرزەكەوە 9 كەس گیانیان لەدەست داوە و 800 کەسی دیکەش برینداربوون و تاوەکو ئێستا 50 كەس بێسەروشوێنن.

 

ئەوەی پێویستە بیزانیت: بوومەلەرزەكە بەهێزترینە لە ماوەی 25 ساڵی ڕابردوودا ئەو وڵاتەی هەژاندبێت، بەهێزترین بوومەلەرزەش لە سێپتمبەری ساڵی 1999 ئەو وڵاتەی هەژاند كە بەهۆیەوە 2400 كەس گیانیان لەدەست دا و پێنج هەزار باڵەخانەش بەتەواوی تەختی زەوی بوون.