مووچەی مامۆستایانی گرێبەست و بەشێک لە فەرمانبەرانی هەمیشەیی و گرێبەست دابەش دەکرێت

ئاڤا نیوز

وەزارەتی دارایی و ئابووریی هەرێمی کوردستان ڕایگەیاند ڕۆژی دووشەممە، ڕێکەوتی 6ی تشرینی یەکەمی 2025، مووچەی مانگی تەمووزی مامۆستایانی گرێبەست و بەشێک لە فەرمانبەرانی گرێبەست و هەمیشەیی دابەش دەکرێت.

 

ڕاگەیێنراوی فەرمی: بەپێی ڕاگەیێنراوێکی فەرمی کە لەلایەن وەزارەتی دارایی و ئابوورییەوە بڵاو کراوەتەوە، ڕۆژی دووشەممە مووچەی مانگی تەمووزی مامۆستایانی گرێبەستی سەر بە هەردوو وەزارەتی پەروەردە و  وەزارەتی خوێندنی باڵا و توێژینەوەی زانستی خەرج دەکرێت.

هاوکات: وەزارەتەکە  ئاماژەی بەوەش کردووە کە لە هەمان ڕۆژدا مووچەی مانگەکانی تەمووز و کانوونی دووەمی ساڵی 2025 ی سەرجەم ئەو فەرمانبەرانە دابەش دەکرێت کە لەدوای ڕێکەوتی 1ی تەمموزی 2024ەوە بە شێوەی گرێبەست یان هەمیشەیی لەسەر میلاکی دامەزراوەکانی حکومەتی هەرێمی کوردستان دامەزراون.

 

ئەوەی پێویستە بیزانیت: وەزارەتی دارایی و ئابووری جەختی لەوە کردووەتەوە کە شایستە داراییەکانی ئەو فەرمانبەر و مامۆستایانە لەسەر داهاتی ناوخۆی هەرێمی کوردستان خەرج دەکرێت.