نۆ پارک لە گەڕەکەکانی سۆران دروست دەکرێن

ئاڤا نیوز

سەرۆکایەتیی شارەوانی سۆران بەمەبەستی زیادکردنی سەوزایی و جوانترکردنی سیمای گەڕەکەکانی سنوورەکە، نۆ پارک لە نۆ گەڕەک دروست دەکات.

چیرۆکی سەرەکی: وەزارەتی شارەوانی و گەشتوگوزار ڕەزامەندی نیشانداوە لەسەر خەرجكردنی گوژمەی 620 ملیۆن دینار، لەسەر ڕێژەی 15%ـی شارەوانیی سۆران بۆ جێبەجێكردنی 11 پڕۆژەی دروستكردنی پارك و سیستەمی ئاودێری و ڕازاندنەوەی شاری سۆران.

لێدوانی فەرمی: بژار سەعید، سەرۆکی شارەوانی سۆران بە ئاڤای گوت، "لیژنەکان پێکهێنراون و لەماوەی مانگێکدا بەشێکی زۆری پڕۆژەکان تەواو دەبن، کە نۆ پارک لەخۆدەگرێت لەگەڵ دانانی سیستەمی ئاودێری بۆ دوورگە ناوەندییەکان و ڕازاندنەوەی چەند شوێنێک لەناو شار."

ئەوەی پێویستە بیزانیت: ئەو پارکانە لە گەڕەکەکانی، کانی، بەختیاری، شەهیدانی ئازادی، کۆڕەک، قەندیل، وەستا ڕەجەب، ڕاپەڕین، جوندیان دوو و سەروچاوە، دروستدەکرێن.