بوومەلەرزەیەك بە گوڕی شەش پلە ژاپۆن دەهەژێنێت

ئاڤا نیوز

 

بوومەلەرزەیەک بە گوڕی شەش پلەی ڕێختەر لە ناوچەی فوکوشیما لە باکووری ڕۆژهەڵاتی ژاپۆن ڕووی دا؛ زانیاریی فەرمی لەسەر زیانەکانی بڵاونەکراوەتەوە. 

 

بڵاوکراوەی فەرمی: ئاژانسی کەشناسیی ژاپۆن ڕایگەیاند: "بوومەلەرزەکە ئەمڕۆ بووە و قووڵی بوومەلەرزەکە 40 كیلۆمەتر بووە، دانیشتووانی تۆكیۆی پایتەخت هەستیان پێكردووە"

 

زانیاریی زیاتر: تاوەکو ئێستا هیچ زانیارییەكی فەرمی لەسەر زیانەكانی ئەو بوومەلەرزەیە بڵاونەکراوەتەوە.

 

ئەوەی پێویستە بیزانیت: ساڵانە لە ژاپۆن دەیان بوومەلەرزە ڕوودەدەن، بەڵام بەهۆی بەهێزی کوالێتیی باڵەخانەكانەوە زیانێكی زۆریان نابێت، ئەم بوومەلەرزەیەش لەكاتێكدایە دوێنێ بوومەلەرزەیەكی بەهێز لە تایوان ڕووی دا و قوربانی زۆری لێكەوتەوە.