شایستە داراییەکانی وانەبێژان دابەش دەکرێت

ئاڤا نیوز

 

دوای بڕیاری سەرۆکوەزیران بارزانی، ئەمڕۆ دەست بە دابەشکردنی شایسته‌ داراییه‌كانى مانگى 12ـى مامۆستایانى وانه‌بێژ له‌ هه‌رێمی کوردستان دەکرێت.

 

وێنە گەورەکە: دوێنێ وەزیری پەروەردە ڕایگەیاند، بە بڕیاری سەرۆکوەزیران بارزانی، پێش جەژنی ڕەمەزان شایستە داراییەکانی مامۆستایانی وانەبێژان خەرج دەکرێت.

 

چی ڕوودەدات؟ ئەمڕۆ لە 20 بەڕێوەبەرایەتیی پەروەردەی شارەکان، شایستە داراییەکان دابەش دەکرێن و تاوەکو یەکشەممە سەرجەم وانەبێژان شایستەکانیان وەردەگرن.

 

لێدوانی فەرمی: عەلی ڕەئووف، نوێنەری مامۆستایانی وانەبێژ بە ئاڤا نیوزی گوت: "مامۆستایانی وانەبێژ لە پەروەردەکانی سنووری سلێمانی، پەروەردەکانی ڕۆژهەڵات، ڕۆژئاوا و تلکێ لە دهۆک، ڕواندز و چۆمان لە پارێزگای هەولێر شایستە داراییەکانیان وەردەگرن".

 

ئەوەی پێویستە بیزانیت: ئەو مامۆستا وانەبێژانەی هەڵگری بڕوانامەی دبلۆمن، لە نێوان 250 - 350 هەزار دینار و هەڵگرانی بڕوانامەی بەکالۆریۆسیش 250 - 400 هەزار دیناریان بۆ خەرج دەکرێت.

 

باکگراوند: لە هەرێمی کوردستان 37 هەزار مامۆستای وانەبێژە، شایستەی مانگانەیان نزیکەی 15 ملیار دینارە.