ڕێککەوتنی سەرۆکوەزیران بارزانی و سوودانی لەبارەی مووچە کەوتە بواری جێبەجێکردنەوە

ئاڤا نیوز

ڕێککەوتنی سەرۆکوەزیران بارزانی و سوودانی لەبارەی مووچە کەوتە بواری جێبەجێکردنەوە و حکومەتی عێراق دەستی بە ناردنی مووچەی مانگی سێ کرد.

وێنە گەورەکە: سەرۆکوەزیران بارزانی و محەممەد شیاع سوودانی، سەرۆکوەزیرانی عێراق ڕێککەوتوون کێشەی مووچە بەیەکجاری چارەسەر بکرێت و مانگانە لە وادەی خۆیدا تەواوی پارەکە بنێردرێت و دابەش بکرێت.

ئەوەی پێویستە بیزانیت: ئەمڕۆ پێنجشەممە وەزارەتی دارایی عێراق ڕێکارەکانی خەرجکردنی مووچەی مانگی سێی دەستیپێکرد و وەک گوژمەی یەکەم 130 ملیار دیناری نارد. بڕیارە سەرەتای هەفتەی داهاتووش تەواوی پارەکە بنێرێت.

لێدوانی فەرمی: مەولود سابیر، به‌ڕێوبه‌ری گشتیی بانكه‌ بازرگانییه‌كان بە ئاڤا نیوزی گوت: "ئەو پارەیەی ئەمڕۆ نێردرا وەرمانگرت، بەدڵنیاییەوە پێش جەژنی ڕەمەزان دەست بە دابەشکردنی مووچە دەکەین".