ئەمریکا سزای نوێ بەسەر ئێران دا دەسەپێنێت

ئاڤا نیوز

لە چوارچێوەی پلانەکانی ڕووبەڕووبوونەوەی تیرۆریزم، ئەمریکا سزای نوێ بەسەر ئێران دا دەسەپێنێت.

ڕاگەیێنراوی فەرمی: وەزارەتی گەنجینەی ئەمریکا ڕایگەیاند: لە چوارچێوەی ڕووبەڕووبوونەوەی تیرۆریزم سزای نوێی پەیوەست بە ئێران جێبەجێدەکرێن کە سزادانی کۆمپانیای ئۆشنلینک ماریتایم دی ئێم سی سی (Oceanlink Maritime DMCC) و کەشتییەکانی پەیوەست بەو کۆمپانیایە دەگرێتەوە. 

هۆکارە زانراوەکان: هۆکاری سزادانی ئەم کۆمپانیایە بۆ ئەوە دەگەڕێتەوە کە کەشتییەکانی سەر بەم کۆمپانیایە لە بری سوپای ئێران کەلوپەلی گواستووەتەوە. 

ئەوەی پێویستە بیزانیت: کۆمپانیا سزادراوەکە خاوەندارێتیی 12 کەشتی دەکات کە بە بەهای زیاتر لە 100 ملیۆن دۆلار کەلوپەلی بۆ بەرژەوەندیی ئێران گواستووەتەوە. 

زانیاریی زیاتر: ئەمریکا دەیەوێت لە ڕێگەی سزا داراییەکانەوە کار لەسەر گۆشەگیرکردنی ئێران بکات.