گفتوگۆی ئازادکردنی بارمتە ئیسرائیلییەکان لە قاهیرە دەستپێدەکاتەوە

ئاڤا نیوز

 

بڕیارە گەڕێکی نوێی گفتوگۆکانی نێوان ئسیرائیل و حەماس، تایبەت بە ئازادکردنی بارمتە ئیسرائیلییەکان، لە قاهیرەی پایتەختی میسر بەڕێوە بچێت.

 

و‌ێنە گەورەکە: گفتوگۆی ئازادکردنی بارمتە ئیسرائیلییەکان بە نێوەندگریی ئەمریکا و قەتەر و میسر بەڕێوە دەچن. 

 

ئەوەی پێویستە بیزانیت: بەمەبەستی بەشداربوون لە گفتوگۆکان، بیڵ بێرنز، بەڕێوەبەری ئاژانسی هەواڵگریی ناوەندیی ئەمریکا، سی ئای ئەی، سەردانی قاهیرە دەکات و لەوێ لەگەڵ دەیڤید بێرنیا، سەرۆکی مۆساد، محەممەد بن عەبدولڕەحمان ئال سانی، سەرۆکوەزیرانی قەتەر و عەباس کەمال، سەرۆکی هەواڵگریی میسری کۆدەبێتەوە.

 

زانیاریی زیاتر: ناکۆکیی سەرەکیی حەماس و ئیسرائیل لە گفتوگۆکان ژمارەی ئەو دیلە فەلەستینییانەیە کە حەماس داوا دەکات لە بەرامبەر بارمتە ئیسرائیلییەکاندا ئازاد بکرێن. 

 

باکگراوند: لە هێرشی ڕۆژی 7ـی ئۆکتۆبەردا حەماس نزیکەی 250 ئیسرائیلی بە بارمتە گرت. بە گوێرەی زانیارییەکانی ئیسرائیل 34 کەسیان گیانیان لەدەست داوە، بەڵام هێشتا نزیکەی 130 بارمتەیان لەژێر دەستی حەماس لە کەرتی غەززە ماون.