25 هەزار فەرمانبەری دیكە بە هەژماری من مووچە وەردەگرن

ئاڤا نیوز

بڕیار وایە لە مانگی چوارەوە، 25 هەزار فەرمانبەری دیكە، کە لە پرۆژەی هەژماری من تۆمارکراون مووچەكانیان بە كارتی بانكی لەڕێگەی ئامێری ATM ەوە وەربگرن.

وێنە گەورەكە: "هەژماری من" گەورەترین پڕۆژەی بانكیی هەرێمی كوردستانە و لەلایەن مەسرور بارزانی، سەرۆكوەزیرانی هەرێمی كوردستان بڕیاری لێدراوە، ڕێگەیەكی ئاسان و پارێزراوە بۆ پێدانی مووچەی فەرمانبەران و خزمەتگوزارییە بانكییەكان.

ژمارەكان وا دەڵێن: لە سەرەتاكانی ساڵی ڕابردوو، پڕۆژەی هەژماری من لە هەرێمی كوردستان دەستیپێكرد، تاوەکو ئێستا 260 هەزار فەرمانبەر و 153 هەزار كەسیش كارتە بانكییەكانیان وەرگرتووەتەوە.

زانیاریی زیاتر: بڕیار وایە  تا کۆتایی ئەمساڵ، سەرجەم مووچەخۆرانی هەرێمی كوردستان لە پڕۆژەی هەژماری من تۆمار بكرێن و كارتە بانكییەكانیان پێ بدرێتەوە، تا بتوانن لە نزیكەی هەزار ئامێری راکێشانی پارە  ATM لە سەرجەم پارێزگا، ناحیە و قەزاکانی کوردستان، مووچەكانیان بە ئاسانترین شێوە وەربگرن.

ئەوەی پێویستە بیزانیت: ماوەی ساڵێکە وەک دەستپێکێکی تاقیکاری (نموونەیی) فەرمانبەرانی نەخۆشخانەی لەدایکبوونی هەولێر، مووچەکانیان لەڕێگەی هەژماری من وەردەگرن.