دزەکانی ئیسپانیا بۆچی ڕۆنی زەیتوون دەدزن؟

ئاڤا نیوز

 

ئێستا لە سوپەرمارکێتەکانی ئیسپانیا ڕێکاری زیاتر بۆ پاراستنی ڕۆنی زەیتوون لە دزی گیراوەتە بەر، وەک ئەوەی کۆد لە شوشەکان دەدەن یان تەنانەت لە هەندێک شوێن بە زنجیر دەیانبەستنەوە.

 

وێنە گەورەکە: وشکەساڵی و گەرمای زۆر بووەتە هۆی بەرزبوونەوەی 70% لە نرخی ڕۆنی زەیتوون بەراورد بە ساڵی ڕابردوو. ئەمەش بووەتە هۆی ئەوەی کە دزەکان لە سوپەرمارکێتەکان زیاتر لە هەر شتێکی دیکە ڕۆنی زەیتوون بدزن، تاوەکو لە دەرەوە بە نرخێکی بەرزتر بە وردەفرۆشەکانی بفرۆشنەوە.

 

لەلایەکی دیکەوە: لەکاتێکدا لە وڵاتانی دیکەی ئەوروپا بە زۆری خواردنەوە کحولییەکان دەبنە ئامانجی دزی، لە ئیسپانیا ڕۆنی زەیتوون، پەنیر و قوتووی ماسیی گرانبەها زیاتر دەدزرێن. 

 

زانیاریی زیاتر: بەشی زۆری ئەو دزییانەی کە لە ڕۆنی زەیتوونی سوپەرمارکێتەکان دەکرێت، لەلایەن کەسانی تاوانکارەوە دەکرێت، نەک لەلایەن کەسانی هەژار و برسییەوە. 

 

ئەوەی پێویستە بیزانیت: ئیسپانیا گەورەترین بەرهەمهێنی ڕۆنی زەیتوونە لە جیهاندا. بەرهەمهێنانی زەیتوون بەشێکی گرنگە لە ژیانی ئابووری و کولتووری خۆراکی ئەو وڵاتە، بە جۆرێک کە بە 'زێڕی شل' ناوی دەبەن.