بۆچی وەزیری ئابووریی تورکیا لە پۆستەکەی دوور نەخراوەتەوە؟

ئاڤا نیوز

 

دوای کەمبوونەوەی دەنگەکانی ئاکپارتی لە هەڵبژاردنی شارەوانییەکان، وەزیری ئابووریی تورکیا ناوی لە ڕیزبەندی یەکەمی لیستی ئەو بەرپرسانەیە کە بریاری دوورخستنەوەی دراوە، بەڵام هێشتا نەچووەتە بواری جێبەجێکردنەوە.

 

چی ڕوودەدات؟ ئەگەر وەزیری ئابووریی تورکیا لە پۆستەکەی دووربخرێتەوە، سەرمایەدار و وەبەرهێنەرە گەورەکان ناڕەزایەتیی دەردەبڕن، بەمەش نرخی دۆلار بەرز دەبێتەوە و هەڵاوسان فراوانتر دەبێت. 

 

زانیاریی تایبەت: ئاڤا نیوز لە سەرچاوەیەکی نزیک لە ئاکپارتی زانیویەتی: چەند بەرپرسێکی ئاکپارتی لە پۆستەکانیان دوورخراونەتەوە، بەڵام هێشتا وەزیری ئابووریی تورکیا لەگەڵ ئەوەی لە ڕیزبەندی یەکەمدابوو، لە پۆستەکەی ماوەتەوە، چونکە سەرمایەدار و وەبەرهێنەران بە دوور خستنەوەی ڕازی نابن. 

 

هۆکارە زانراوەکان: لە ماوەی چەند ساڵی ڕابردوودا، دۆخی ئابووریی تورکیا هەر بەرەو خراپی دەچێت و خەڵکیش پەنجەی تۆمەت بۆ شیمشێک و کابینەکەی درێژ دەکەن. 

 

زانیاریی زیاتر: دوای ئەوەی ئاکپارتی لە هەڵبژاردنی شارەوانییەکانی تورکیا دەنگەکانی کەمی کرد، بڕیاریدا لێپێچینەوە لەگەڵ هەموو ئەندام و بەرپرسانی کەمتەرخەمی نێو پارتەکەی بکات.