نیوزلەندا پێدانی ڤیزای کار سەختتر دەکات

ئاڤا نیوز

حکومەتی نیوزلەندا بڕیاریداوە ڕێکارەکانی پێدانی ڤیزای کار بە داواکاران، سەختتر بكات. بۆ ئەوەی كۆچبەری كەمتر ڕوو لەو وڵاتە بكات.

وێنە گەورەکە: بە گوێرەی بڕیارەکە مەرجی نوێ بۆ وەرگرتنی کرێکاری بیانی دادەنرێت وەک: زانینی زمانی ئینگلیزی بۆ ئەو کارانەی کە پێویستییان بە شارەزایی کەم هەیە، شارەزایی و کەمکردنەوەی ماوەی مانەوە لە وڵات. 

هۆکارە زانراوەکان: ئەم بڕیارەی حکومەتی نیوزلەندا بە هۆی شەپۆلی کۆچبەرانەوەیە بۆ ئەو وڵاتە کە لە مێژوویدا کەم وێنە بووە. 

ئەوەی پێویستە بیزانیت: حکومەتی نیوزلەندا دەیەوێت دەرفەتی کار بۆ هاووڵاتیانی خۆی زیاتر بکات. دەشیەوێت ڤیزا تەنیا بەو کۆچبەرانە بدات کە دەتوانن کێشەی کەمیی کارێکی دیاریکراو، وەک مامۆستایەتی، لەو وڵاتە پڕ بکەنەوە.