مێرال ئاکشنەر خۆی بۆ سەرۆکی ئیی پارتی بەربژێر ناکات

ئاڤا نیوز 

مێراڵ ئاکشنەر دوای شکستی پارتەکەی لە هەڵبژاردنی شارەوانییەکانی تورکیا، خۆی بۆ سەرۆکی ئی پارتی بەربژێر ناکاتەوە.

وێنە گەورەکە: سەرکردایەتی ئی پارتی بڕیاری داوە ناوخۆی حیزبەکەیان ڕێکبخەنەوە، بۆ ئەم مەبەستە کۆتایی ئەم مانگە کۆنگرەی نائاسایی دەبەستن.

پەیامی فەرمی: مێراڵ ئاکشنەر، سەرۆکی ئیی پارتی دەڵێت: ئەگەر من هۆکاری شکستەکەم، ئامادەم باجەکەی بدەم خۆم بەربژێر ناکەمەوە.

پێدراوە ڕاستەکان: هەریەک لە گونەی کۆداز، ئەندامی دەستەی دامەزرێنەران و محەمەد تۆڵگە ئەکاڵن، یاریدەدەری سەرۆک  بۆ پۆستەکە بەربژێرن.

ئەوەی پێویستە بیزانیت: بەهۆی ‌ڕازینەبوونی ئاکشنەر بۆ  پێکهێنانی هاوپەیمانی لەگەڵ جەهەپە، ژمارەیەکی زۆر لە بەرپرسە باڵاکانی ئەو پارتە دەستیان لە کار کێشایەوە.

باکگراوند: لە هەڵبژاردنی مانگی ڕابردوودا ئیی پارتی بە ڕێژەی 3.77٪  دەنگەکان تەنیا یەک شارەوانی بردەوە.