بەهۆی لافاوەوە لە باشووری ڕۆژهەڵاتی ئاسیا سەدان کەس گیانیان لەدەستدا

ئاڤا نیوز

شەپۆلێکی بەهێزی لافاو و بارانبارین وڵاتانی باشووری ڕۆژهەڵاتی ئاسیای گرتووەتەوە و بەهۆیەوە لە تایلەند، ئەندەنووسیا، مالیزیا و سریلانکا سەدان کەس گیانیان لەدەستداوە و زیانێکی ماددی زۆری لێکەوتووەتەوە.

زانیاریی بەدەستهاتوو: بەپێی ئامارەکان تەنیا لە تایلەند 145 کەس و لە ئەندەنووسیا 174 کەس گیانیان لەدەستداوە و 80 کەسی دیکەش لەو وڵاتە بێسەروشوێن بوون،  لە مالیزیا دوو کەس و  لە سریلانکاش  56  کەسی دیکەش  گیانیان لەدەستداوە.

زانیاریی زیاتر: چەندین شار و گوندی ئەو وڵاتانە ژێرئاو کەوتوون، دانیشتووانی ناوچەکان بەهۆی لافاوەوە گیریانخواردووە و بەهۆی بارانی بەخوڕی چەند ڕۆژی ڕابردووشەوە ڕۆچوونی زەوی لە چەندین شوێن ڕوویداوە.

ئەوەی پێویستە بیزانیت: گۆڕانی کەشوهەوا لەو بەشەی ئاسیا کاریگەری کردووەتە سەر درووستبوونی بارانبارینی بەخوڕتر، لافاوی لەناکاو و بای زۆر بەهێز.