ئیسرائیل: ئەردۆغان ئابووریی وڵاتەکەی دەکاتە قوربانی حەماس

ئاڤا نیوز

 

ئیسرائیل وەڵامی بڕیاری " تاکلایەنە سنووردارکردنی هەناردەی بازرگانی" تورکیا دەداتەوە و دەڵێت، "ئەردۆغان بەم بڕیارە زیان بە ئابووریی تورکیا دەگەیێنێت".

 

وێنە گەورەکە: ئیسرائیل کاتز، وەزیری دەرەوەی ئیسرائیل بە تووندی ڕەخنەی لە ڕەجەب تەیب ئەردۆغان، سەرۆککۆماری تورکیا گرت لەسەر ئەو بڕیارە.

 

لێدوانی فەرمی: ئیسرائیل کاتز، وەزیری دەرەوەی ئیسرائیل: ئەردۆغان بەم هەنگاوەی زیان بە ئابووریی وڵاتەکەی دەگەیێنێت و ئابووریی تورکیا دەکاتە قوربانی حەماس.

 

چی ڕوویدا؟ وەزارەتی بازرگانی تورکیا بڕیاری دا لە ڕێککەوتی 09ـی نیسانەوە هەناردەکردنی 54 بەرهەمی بازرگانی لەگەڵ ئیسرائیل ڕابگرێت، دوای ئەوەی ئیسرائیل  ڕێگەی نەدا تورکیا یارمەتییە مرۆییەکان بە خەڵکی غەززە بگەیەنێت.