وەزیری بەرگریی ئیسرائیل پێچەوانەی نەتانیاهۆ لێدوان دەدات

ئاڤا  نیوز

وەزیری بەرگریی ئیسرائیل پێچەوانەی سەرۆکوەزیران لێدوان دەدات و دەڵێت هیچ کاتێک بۆ هێرشکردنە سەر ڕەفەح دیاری نەکراوە. پێشتر بنیامین نەتانیاهۆ ڕایگەیاندبوو کە بە دڵنیاییەوە هێرشی سەر ڕەفەح دەكرێت و کاتەکەشی دیاریکراوە. 

لێدوانی فەرمی: یوواڤ گالانت، وەزیری بەرگریی ئیسرائیل، بە لۆید ئۆستن، هاوتا ئەمریکییەکەی گوتووە هێشتا ئیسرائیل هیچ ڕێککەوتێکی بۆ هێرشکردنە سەر ڕەفەح دەستنیشان نەکردووە. 

بۆچی گرنگە: ئەمریکا هانی ئیسرائیل دەدات بۆ ئەوەی هێرش نەکاتە سەر ڕەفەح و لەوە زیاتر کەسانی سڤیل نەکاتە قوربانی؛ بەڵام بنيامين نەتانیاهۆ سەرۆکوەزیرانى ئيسرائيل وای نیشانداوە کە بڕیارەکە دراوە و کاتەکەشی دەستنیشانکراوە. ئێستا وەزیری بەرگریی ئیسرائیل پێچەوانەی لێدوان دەدات.

زانیاریی زیاتر: گالانت بە ئاوستنی گوتووە بەر لە هێرشکردنە سەر ڕەفەح پێویستە هەندێک ڕێکار بگیرێنە بەر وەک: گواستنەوەی کەسانی سڤیل و زیادکردنی یارمەتییە مرۆییەکان.