لە كەلار سێ بازرگان بە بڕێكی زۆری ماددەی هۆشبەرەوە دەستگیر دەكرێن

ئاڤا نیوز

لە شارۆچكەی كەلار، سێ بازرگانی ماددەی هۆشبەر دەستگیركران، لەكاتی دەستگیركردنیشیان، دەستگیرا بەسەر چوار كیلۆگرام ماددەی هۆشبەری جۆری تلیاك و یەک کیلۆ و 300 گرام ماددەی هۆشبەری جۆری کریستاڵ و زیاتر لە سێ هەزار دەنک حەبی هۆشبەر.

چیرۆكی سەرەكی: هۆبەی نەهێشتنی ماددە هۆشبەرەكان سەر بە بەڕێوەبەرایەتیی ئاسایشی گەرمیان، بەهەماهەنگیی لەگەڵ بەڕێوەبەرایەتیی نەهێشتنی ماددە هۆشبەرەكانی دووز خورماتوو، سێ بازرگانی ماددەی هۆشبەریان لە شارۆچكەی كەلار دەستگیر كرد كە لەكاتی دەستگیردنیان، بڕێكی زۆر ماددەی هۆشبەری جۆری تلیاك و كریستاڵ و هەزاران حەبی هۆشبەریان لەدەست گیراوە.

ڕاگەیێنراوی فەرمی: بەڕێوەبەرایەتیی گشتیی نەهێشتنی ماددە هۆشبەرەكان سەر بە دەزگای ئاسایشی هەرێمی كوردستان بڵاویكردووەتەوە، لە ئەنجامی كۆكردنەوەی زانیاریی پێشوەختە و چاودێریی ورد و بەدواداچوون، بە بڕیاری دادوەری لێكۆڵینەوەی ئاسایشی گەرمیان، توانراوە سێ بازرگانی مەترسیداری ماددەی هۆشبەر دەستگیر بكرێن و دەستیش بگرن بەسەر بڕی چوار كیلۆگرام ماددەی هۆشبەر لە جۆری تلیاك و بڕی یەک کیلۆ و 300 گرام لە جۆری کریستاڵ لەگەڵ سێ هەزار دەنک حەبی هۆشبەر.

زانیاریی زیاتر: ئێستا تۆمەتباران بەبڕیاری دادوەر و پاڵپشت بە ماددەی 26 لەیاسای بەرەنگاربوونەوەی ماددە هۆشبەرەکان و کارتێکەرە ئەقڵییەکان ڕاگیراون و لێکۆڵینەوە لە دۆسیەکانیان بەردەوامە.