لە یۆنان  بە هۆی وەرگەڕانی بەلەمێکەوە سێ کۆچبەر خنکان

ئاڤا نیوز

بە هۆی وەرگەڕانی بەلەمێکەوە ناو ئاوەکانی دەریای ئیجە، لە ئاوەکانی کەناری دوورگەی چیۆس لە یۆنان لانیکەم سێ کەس گیانیان لەدەستدا. 

زانیاریی بەدەستهاتوو: سێ بەلەمی سەربازیی یۆنان توانیویانە بگەنە سەر ڕووداوەکە و 17 کۆچبەر، کە هەشتیان منداڵ بوون، ڕزگار بکەن. تیمەکە سێ تەرمیان دۆزیوەتەوە و گەڕان بە دوای کەسانی بێسەروشوێندا بەردەوامە. 

زانیاریی زیاتر: بەلەمەکە لە تورکیاوە بەڕێکەوتووە و ویستوویەتی خۆی بگەیەنێتە یەکێتیی ئەوروپا. 

ئەوەی پێویستە بیزانیت: ساڵی ڕابردوو زیاتر لە 45 هەزار کەس خۆیان گەیاندووەتە دوورگەکانی یۆنان کە لە ماوەی چوار ساڵی ڕابردوودا زۆرترین ژمارە بووە؛ لە سەرتای ئەمساڵیشەوە تا ئێستا گەیشتنی زیاتر لە 11 هەزار و 300 کۆچبەر تۆمار کراوە.