سەدا 43ـی ئەو بانکانەی لە تەوتیندا بەشدارن لەلایەن ئەمریکاوە سزادراون

ئاڤا نیوز

 

لە کۆی 43 بانکی بەشدار لە پرۆژەی تەوتینی عێراقدا 20ـیان لەلایەن ئەمریکاوە بەتۆمەتی سپیکردنەوەی پارە و تێوەگلان لە گەندەڵی سزادراون، ئەمە دۆخی ئەم پرۆژەیە کە زۆر کەس و لایەن لە ناوخۆدا خۆزگەی بۆ دەخوازن.

 

وێنە گەورەکە: دادگەی فیدراڵی بڕیاری داوە مووچەخۆرانی هەرێمی کوردستان هاوشێوەی مووچەخۆرانی عێراق تەوتین بکرێن کە مەبەست لێی بەئەلیکترۆنیکردنی مووچەکەیانە.

 

ئەوەی پێویستە بیزانیت: حکومەتی هەرێمی کوردستان تەوتین ڕەت دەکاتەوە و جەخت دەکاتەوە دەبێت پرۆسەکە لەڕێگەی "هەژماری من"ـەوە بێت، بۆ ئەم مەبەستەش لێکتێگەیشتن کراوە، بەڵام ئاراستەیەکی عێراقی لە ناوخۆدا کار لەسەر ئەوە دەکات مووچە ڕاستەوخۆ لە بەغدا و لەڕێگەی تەوتینەوە بدرێت.

 

بۆچی گرنگە: ئەگەر مووچە پێچەوانەی خواستی هەرێمی کوردستان و بە ناچاری بخرێتە سەر تەوتین، ئەوا  بەهۆی سزادانی زیاتری ئەو بانکانە مەترسی بۆ سەر مووچە لە هەر ئانوساتێکدا دروست دەبێت.

 

لێدوانی فەرمی: د. ئەرشەد حاجی سدیق، مامۆستای زانکۆ و شارەزا لە بواری ژمێریاری و کارگێڕیی دارایی بە ئاڤا نیوزی گوت: "ئەو 20 بانکە بەهۆی بەقاچاغبردنی دۆلار بۆ دەرەوە و تێوەگلان لە گەندەڵی بەتایبەت 'دزی سەدە' سزادراون".

 

زیانە سەرەکییەکان: ئەو بانکانە بەردەوام لەلایەن وەزارەتی خەزێنەی ئەمریکا چاودێرییان لەسەرە و ڕەنگە سزای زیاتریان بەسەردا بسەپێنرێت، لەم قۆناغەشدا هەژماری بەشداربووان بلۆک دەکرێت.

 

بەدواداچوونی تایبەت: ئەمریکا 27 بانکی عێراقی سزاداون، 20 لەوان لە تەوتیندا بەشدارن کە دەکاتە 43%ـی بانکە بەشداربووەکان.

 

ئەمەش بزانە: هیچ یەکێک لە بانکە بەشداربووەکانی پرۆژەی هەژماری من لە لیستی سزاکانی ئەمریکادا نین، کە بریتین لە: بانکی جیهان، ئار تی بانک، بانکی بەغداد، بانکی ئەهلی عێراقی، بانکی ئیسلامی عێراقی و بی بی ئەی سی بانک.

 

ناوی بانکە سزادراوەکان: