هەژاری لە ئەڵمانیا تەشەنە دەكات

ئاڤا نیوز

هەژاری هەڕەشە لە دانیشتووانی ئەڵمانیا دەکات، بەپێی ئامارەکان، لە پێنج کەس یەک کەس هەڕەشەی هەژاری لەسەرە.

وێنە گەورەکە: نوسینگەی ئاماری فیدراڵی ئەڵمانیا دەڵێت، وڵاتەکەیان ڕووبەڕووی کێشەی هەژاری و خراپی دۆخی کۆمەڵایەتی بووەتەوە، بەجۆرێک یەک لەسەر پێنجی تەواوی ئەڵمانیا توشی ئەم گرفتەبوون.

ژمارەکان وادەڵێن:

ژمارەی دانیشتووانی ئەڵمانیا 83 ملیۆن و800 هەزار کەسە.

یەک لەسەر پێنجی ئەو ژمارەیە تووشی هەژاری دەبن کە دەکاتە 21.2%ی کۆی دانیشتووان.

لێدوانی فەرمی: نوسینگەی ئاماری فیدراڵی ئەڵمانیا ڕایگەیاند: ئامارەکان بەبەراورد بە ساڵی ڕابردوو زۆر نەگۆڕاون، بەڵام ئەم ژمارەیە ئاماژەیەکی مەترسیدارە بۆ دانیشتووان.

باکگراوند: ئەڵمانیا یەکێکە لەو وڵاتانەی خاوەن ئابوورییەکی بەهێزە لە ئەوروپا و یەکێکە لە بەهێزترین وڵاتە پیشەسازییەکان، ساڵانە هەزاران پەنابەر بۆ کار وەردەگرێت، لە سێ دەیەی ڕابردووشدا لە پێشەنگی وڵاتە زلهێزە ئابوورییەکان بووە.