ژنە سەرمایەدارێک لە ڤێتنام سزای لە سێدارەدانی بەسەردا سەپێنرا

ئاڤا نیوز

دادگای ڤێتنام، بەتۆمەتی ساختەکاری سزای لەسێدارەدانی بەسەر سەرمایەدارێکی ژندا سەپاند.

چیرۆکی سەرەکی: ترونگ می لان، ژنە سەرمایەدارێکی ڤێتنامییە، تۆمەتبار کرابوو بە ساختەکاریی دارایی بەبڕی 12.5 ملیار دۆلار، ئەمە گەورەترین دۆسییەی گەندەڵییە تا ئێستا لە وڵاتەکەدا تۆمار کرابێت، ئەمڕۆش تۆمەتەکەی بەسەردا ساغکرایەوە و سزای لەسێدارەدانی بەسەردا سەپێنرا.

ئەوەی پێویستە بیزانیت: ئەو بازرگانە تەمەن 67 ساڵە لە نێوان ساڵانی 2012 بۆ 2022 بە شێوەیەکی نایاسایی بانکی بازرگانی پشکی هاوبەشی کۆنترۆڵکردووە بۆ ئەوەی لە ڕێگەی هەزاران کۆمپانیای خەیاڵییەوە و بە پێدانی بەرتیل بە بەرپرسانی حکومەت ئەو پارانە وەربگرێت.

باکگراوند: سیستەمی دەسەڵات لە ڤێتنام کۆماری سۆسیالیستییە و لە ئەیلوولی 1954 سەربەخۆیی وەرگرتووە.