ئەمریکا گومانی هەیە هاوشێوەی هێرشەکەی مۆسکۆ لە واشنتن ڕووبدات

ئاڤا نیوز 

 

ئەمریكا گومانی هەیە هاوشێوەی هێرشەکەی مۆسكۆ لە وڵاتەكەی دووبارە ببێتەوە بۆ ئەو مەبەستە دەیان لیژنەی لێكۆڵنەوەی وردی هەواڵگری و پۆلیسی فیدراڵی پێكهێنراون.

 

وێنە گەورەكە: ئەمریكا پشتیوانییەكی سیاسی، ئابووری و سەربازی بەهێزی ئیسرائیل دەكات لە هێرشی سەر كەرتی غەززەدا، ئەمە گومانی لای بەرپرسانی دروستكردووە لە ئەگەری دروستبوونی هێرشی گرووپە تووندڕەوەكان لە واشنتن وەک سیناریۆكەی مۆسكۆ.

 

ئەوەی پێویستە بیزانیت: نووسینگەی لێکۆڵینەوەی فیدراڵی ناسراو بە ئێف بی ئای و نووسینگەی هەواڵگریی بەشی هێڵی سووری وردی سی ئای ئەی، ڕۆژی پێنجشەممە 11ـی نیسانی 2024، لەگەڵ لیژنەیەکی ئەنجوومەنی نوێنەرانی ئەمریکا كۆبوونەوە بۆ قسەكردن لەسەر ئەو نیگەرانییەکانیانەی نووسینگەکە هەیەتی لە ئەگەری هێرشێکی ڕێکخراو بۆ سەر ئەمریکا، هاوشێوەی هێرشەکەی مانگی ڕابردوو لە هۆڵێکی ئاهەنگگێڕانی ڕووسیادا. 

 

زانیاریی زیاتر لەمبارەیەوە بخوێنەوە:

 

لێدوانی تووند هەیە

کریستوفر ڕای، بەڕێوەبەری دیوانی لێکۆڵینەوەی فیدراڵی، لە میانی دانیشتنێکی ئەنجوومەنەكەدا، هەمووان ئاگادار دەکاتەوە کە ئەگەری زۆر هەڕەشە بۆ سەر سەلامەتی گشتی و ئاسایشی نیشتمانی لە یەککاتدا. هەبێت،  بەڵام زۆر نیگەرانن لەوەی ئەگەر هێرشێكی لەو شێوەیە ڕووبداتەوە كە  لە مۆسكۆ ڕووی دا.

 

دەستكاری یاساكان دەكرێت

ڕای بەنیازە فشار بخاتە سەر یاسادانەران بۆ نوێکردنەوەی پرۆگرامی چاودێری ئەمریکا کە پێشبینی دەکرێت لەم مانگەدا کۆتایی پێبێت، کە بە ئامرازێکی گرنگ لە دژی نەیارانی ئەمریکا وەسفی دەکات.

 

بەرپرسانی ئەمریکی نیگەرانن لە ئەگەری دەستپێکردنی هێرش، چ بە تاک یان لە ڕێگەی گرووپێکی بچووکەوە، ئەمەش بەهۆی بەردەوامی شەڕی نێوان ئیسرائیل و حەماس لە کەرتی غەززە، كە ئەمریكا پشتیوانییەكی گەورەی ئیسرائیلە لەسەر ئەو پرسە.

 

لە مۆسكۆ چی ڕوویدا؟

هێرشەکە بۆ سەر هۆڵێکی ئاهەنگگێڕان لە جەرگەی مۆسکۆ لە 22ـی ئازاردا لانیکەم 144 کوژراو  و برینداری لێکەوتەوە، ئەمەش کوشندەترین هێرشە کە لە ماوەی 20 ساڵی ڕووسیا ڕوویدا بێت، هەرچەندە گرووپێکی سەر بە داعش بەرپرسیارێتیی هێرشەکەیان لەئەستۆ گرت، بەڵام ڤلادیمێر پووتین، سەرۆکی ڕووسیا، ئۆکرانیای تاوانبار كرد.

 

سی ئای ئەی زۆر نیگەرانە

سێ لیژنەی وردی لێكۆڵینەوە كە لە هێڵی پێشەوەی هەواڵگری و لێكۆڵینەوەی هەواڵگری كاردەكەن نیگەرانی خۆیان داوەتە بەرپرسانی سەرەوە بۆ ئەوەی  هەموولایەک ئاگاداربن، بەهۆی ئەو پشتیوانییە زەقەی ئەمریكا لە ئیسرائیل هەیەتی گرووپە توندڕەوەكان یان گرووپەكانی دیكە هێرشی بەكۆمەڵ لە ئەمریكا جێبەجێ بكەن.

 

نیگەرانییەكان گەیشتوونەتە ئۆفیسی سەرۆكی ئەمریكا، بەجۆرێک كە جۆ داوای كردووە لێكۆڵینەوەی زیاتر بكرێت لە هەر ڕووداوێک كە ڕوودەدات لە ناوچەكەدا، پێویستە هەموو لایەك بەوردی ئامادەبن.

 

ڕێگری دەكەن

بە نهێنی لە تەواوی شارە گەورەكان و مۆڵ و بازاڕە نیشتیمانییەكان، پۆلیسی نهێنی و هەواڵگری دوو هێندە زیادكراون، گومان لە هەركەس بكرێت بانگ دەكرێتە ژووری لێكۆڵینەوەی ورد، تاوەکو زانیاریی كەسی و وردی لێوەردەگرن.

 

هێرش ڕووبدات پۆلیس ئامادەیە

لە دوایین كۆبوونەوەی پۆلیسی فیدراڵیدا باس لەوە كراوە لە ئەگەری هەر هێرشێكدا بۆ سەر هەر شار و باڵەخانە و هۆتێلێک یان هەر شوێنێک، لە كەمترین كاتدا كە كەمترین زیانی هەبێت پۆلیس ئامادەیە و هێرشەكان كۆنترۆڵ بكات.