سوپای ئیسرائیل: بۆ بەرگریکردن و هێرشکردن ئامادەین

ئاڤا نیوز

 

گوتەبێژی سوپای ئیسرائیل ڕایگەیاند، هێزەکانیان بۆ بەرگریکردن ئامادەن و مامەڵە لەگەڵ هەموو هەڕەشەیەکدا دەکەن و ئامادەن بۆ هێرشکردن.

 

لێدوانی فەرمی: دانیێل هاگاری، گوتەبێژی سوپای ئیسرائیل دەڵێت، ئێران سەقامگیریی جیهان دەخاتە مەترسییەوە، ڕۆژانی داهاتوو پێویستی بە وریایی و ئامادەکاری هەیە.

 

زانیاریی زیاتر: "ئێمە زیاتر لە شەش مانگە لە شەڕداین و بەرگرییەکانمان ئامادەن و مامەڵە لەگەڵ هەموو هەڕەشەیەکدا دەکەن و ئامادەین بۆ هێرشکردنیش". گوتەبێژی سوپای ئیسرائیل ئەمەی گوتووە.

 

لەلایەکی دیکەوە: یوئاڤ گالانت، وەزیری بەرگریی ئیسرائیل ڕایگەیاند: ئیسرائیل و ئەمریکا شانبەشانی یەکدی لە بەرامبەر ئێران وەستاون، کە هەڕەشەی وەڵامدانەوە دەکات، ئێمە ئامادەین لە زەوی و ئاسمان بەرگری لە خۆمان بکەین و دەزانین چۆن وەڵام دەدەینەوە.

 

ئەوەی پێویستە بیزانیت: لە وەڵامی هێرشەکەی سەر کۆنسوڵخانەی ئێران لە دیمەشق، تاران ئامادەکاری بۆ هێرشکردنە سەر ئیسرائیل دەکات، بەرپرسانی ئەمریکاش پێشبینی دەکەن ئەمڕۆ تاوەکو بەیانی هێرشەکە بکرێت.