ئێران دەست بەسەر کەشتی ملیاردێرێکی ئیسرائیلدا دەگرێت

ئاڤا نیوز

دەسەڵاتی ئۆپەراسیۆنە بازرگانییە دەریاییەکانی بەریتانیا ڕایگەیاند، لە باکووری ڕۆژهەڵاتی دەریای فوجەیرە له ئیمارات، هێزەکانی ئێران دەستیان بەسەر کەشتییەکی بازرگانیی پورتوگالییدا گرتووە.

ڕاگەیێنراوی فەرمی: دەسەڵاتی ئۆپەراسیۆنە بازرگانییە دەریاییەکانی بەریتانیا ڕایگەیاند: هێزەکانی ئێران دەستیان بەسەر "کەشتیی پورتوگالی MCS ARIES" لە گەرووی هورمزدا لە دووری 50 میل لە باکووری ڕۆژهەڵاتی دەریای فوجەیرەدا گرتووە.

ئەوەی پێویستە بیزانیت: ئەو کەشتییە بە ئاڵای پورتوگالەوە کە لە گەرووی هورمز هێرشی کراوەتە سەر، لەلایەن کۆمپانیای زۆدیاک ماریتایمەوە بەڕێوەدەبرا کە خاوەنەکەی ئیال ئۆفەرە و ملیاردێری ئیسرائیلییە ؛ بەگوێرەی میدیاکانی ئێران ئێستا کەشتییەکە بۆ ئاوەکانی ئێران دەگوازرێتەوە.

وێنە گەورەكە: ئەم ڕووداوە لە کاتێکدایە کە گرژییەکانی نێوان ئێران و ڕۆژئاوا پەرەی سەندووە، بەتایبەت دوای هێرشی ئیسرائیل بۆ سەر کۆنسوڵخانەی ئێران لە دیمەشق و هەڕەشەی تاران بۆ وەڵامدانەوەی هێرشەکە.

ئەوەش بزانە: ئەو کەشتییە پورتوگالییە 20 کارمەندی فلیپینی و کۆنتێنەری بازرگانی هەڵگرتبوو، کە بڕیارە بەرەو هیندستان بچێت؛ بەڵام هێزەکانی ئێران دەستیان بەسەردا گرتووە.

ئەوەی ئێستا ڕوودەدات: ئەم هێرشانە کۆمپانیا بازرگانییەکانی ناچار کردووە، ڕێگایەکی درێژتر و گرانتر لە دەوورووبەری ئەفریقا بەکاربهێنن.