دابەشکردنی دراوە نوێیەکەی سووریا بەسەر بانک و کۆمپانیاکانی ئاڵوگۆڕی دراو دەست پێ دەکات

ئاڤا نیوز

 

پارێزگاری بانکی ناوەندیی سووریا دەڵێت: ئەمڕۆ شەممە دراوە نوێیەکە بەسەر هەموو لقەکانی بانکی ناوەندی لە پارێزگاکانی سووریا دابەش دەکرێت.

 

لێدوانی فەرمی: عەبدولقادر حەسرەیە، پارێزگاری بانکی ناوەندیی سووریا، ڕایگەیاند: "کە پڕۆسەی دابەشکردنەکە ئەمرۆ شەممەوە دەست پێ دەکات و پڕۆسەی گۆڕینەوەی دراوەکەش بۆ ماوەی 90 ڕۆژ بەردەوام دەبێت و ئەگەری درێژکردنەوەشی هەیە."

 

- "لەو ماوەیەدا سەرنجی سەرەکی دەخرێتە سەر گۆڕینەوەی ئەو کاغەزە نەقدیانەی کە لە جۆری هەزارین."

هەنگاوی داهاتوو: دوای تەواوبوونی ماوەی دیاریکراو بۆ گۆڕینەوە، ئەو پارە بچووکانەی کە نەکشێنراونەتەوە، لە بازاڕدا دەمێننەوە و مامەڵەیان پێوە دەکرێت، ئەمەش بە مەبەستی پاراستنی وردە لە مامەڵە داراییەکاندا.

 

باکگراوند: بانکی ناوەندیی سووریا چەند ڕۆژێک لەمەوبەر دراوێکی کاغەزی نوێی خستە ڕوو. بنەمای ئەم دراوە نوێیە بریتییە لە سڕینەوەی دوو سفر لەسەر دراوی لیرەی سووریا.