ئیسرائیل: ئێران 200 درۆن و مووشەکی ئاراستە کردووین

ئاڤا نیوز

گوتەبێژی سوپای ئیسرائیل ڕایدەگەیێنێت، 200 درۆن و مووشەکیان لەلایەن ئێرانەوە ئاراستەکراون و زۆربەشیان لە دەرەوەی خاکی ئیسرائیل خراونەتە خوارەوە.

وێنە گەورەكە:  ئەمشەو ئێران هێرشێکی فراوانی بە مووشەکی دوورهاوێژ و  درۆنی بۆمبڕێژکراو کردە سەر ئیسرائیل، سوپای پاسدارانی ئێران دەڵێت ئامانجەکانیان پێکاوە، سوپای ئیسرائیلیش دەڵێت زۆربەی هێرشەکانیان پووچەڵ کردوونەتەوە.

لێدوانی فەرمی: دانیاڵ هاگاری، گوتەبێژی سوپای ئیسرائیل دەڵێت: "هێشتا هێرشەكان بەردەوامن و هیچ زیانێكی گیانی گەورە نەبووە، فڕۆكەكانمان بەئاسمانەوەن و ڕووبەڕووی مووشەك و درۆنەکان دەبینەوە".

زانیاریی زیاتر: گوتەبێژی سوپای ئیسرائیل ئاماژەی بەوە کرد 200 درۆنی خۆكوژ و مووشەكی كروز و بالستی لەلایەن ئێرانەوە ئاراستە کراون. جەختیشی کردەوە کە هەرچی پێویست بێت بۆ وەڵامدانەوەی ئێران و بەرگریكردن لە ئیسرائیل دەیكەن.