میدیای ئیسرائیلی: تێچووی بەرپەرچدانەوەی هێرشەکەی ئێران نزیکەی یەک ملیار دۆلارە

ئاڤا نیوز

 

تێچووی بەرپەرچدانەوەی هێرشەکەی شەوی ڕابردووی ئێران لەلایەن ئیسرائیلەوە بە نزیکەی یەک ملیار دۆلار خەمڵێنراوە.

 

وێنە گەورەکە: شەوی ڕابردوو ئێران بە سەدان فڕۆکەی بێفڕۆکەوان و مووشەک هێرشی کردە سەر ئیسرائیل، وەزارەتی بەرگریی ئیسرائیل دەڵێت، توانیومانە بە ڕێژەی 99% وەڵامی مووشەک و فڕۆکەی بێفڕۆکەوانەکان بدەینەوە و ڕێگرییان لێبكەین.

 

بابەتی ستراتیژی: میدیاکانی ئیسرائیل بڵاویکردەوە، هەموو فڕۆکە جەنگییەکانی ئیسرائیل لە کاتی هێرشەکەی ئێراندا لە ئاسماندا بوون ئەمەش لە ترسی بۆردوومانکردنیان لەناو بنکەکانیاندا، لەگەڵ کارکردنی سیستمی بەرگری و وەڵامدانەوەی مووشەک و فڕۆکەی بێفڕۆکەوان، تێچووی گشتیی بەرپەرچدانەوەی هێرشەکە بە نزیکەی یەک ملیار دۆلار خەمڵێنراوە.

 

زانیاریی زیاتر: هێزەکانی ئەمریکا و بەریتانیا زیاتر لە 100 فڕۆکەی بێفڕۆکەوانی ئێرانیان لە دەرەوەی ئیسرائیل بەرپەرچداونەتەوە.

 

لێدوانی فەرمی: لە بەرامبەردا سوپای ئیسرائیل ئەمڕۆ یەکشەممە ڕایگەیاند، هێرشەکەی ئێرانیان تێکشکاندووە و ڕێژەی 99% ئەو فڕۆکە بێفڕۆکەوان و مووشەکانەی کە هەڵدرابوون، ڕێگرییان لێکردبوو و خراونەتە خوارەوە.