فڕۆکەخانەکانی ئێران گەشتەکانیان هەڵدەوەشێننەوە

ئاڤا نیوز

 

لە چوارچێوەی هێرشەکەی ئێران بۆ سەر ئیسرائیل، بەشێک لە فڕۆکەخانەکانی ئێران گەشتەکانیان تا سبەی دووشەممە هەڵوەشاندووەتەوە.

 

وێنە گەورەکە: شەوی ڕابردوو ئێران بە سەدان مووشەک و فڕۆکەی بێفڕۆکەوان هێرشی کردە سەر ئیسرائیل، ئەوەش لە وەڵامی هێرشەکەی ئیسرائیل بوو بۆ کۆنسوڵخانەی ئێران لە دیمەشق.

 

چیرۆکی سەرەکی: میدیاکانی ئێران بڵاویانکردەوە، بەهۆی هێرشەکەی ئێران بۆ سەر ئیسرائیل و  گرژی و ئاڵۆزییەکانی ڕۆژهەڵاتی ناوەڕاست شەوی ڕابردوو ئێران ئاسمانی وڵاتەکەی داخستبوو و بۆ ئەمڕۆش گەشتەکانی زۆربەی فڕۆکەخانەکانی هەڵوەشاندووەتەوە.

 

زانیاریی زیاتر: گەشتە ئاسمانییەکانی فرۆکەخانەکانی ئیمام خومەینی لە تاران، مێهرئاباد، ئیسفەهان، شیراز، بوشێهر، ئیلام، سنە، تەبرێز، ئەردەبیل، ورمێ، کرماشان، خورمئاباد، ئەهواز، ئابادان، هەمەدان، چەند شارێکی دیکە تاوەکو کاتژمێر 06:00ـی بەیانی ڕۆژی دووشەممە 15-04-2024، بەپێی کاتی ئەو وڵاتە هەڵوەشێنراونەتەوە.

 

ئەوەی پێویستە بیزانیت: شەوی ڕابردوو هەریەک لە هەرێمی کوردستان، عێراق و ئوردن و لوبنان و ئیسرائیل، گەشتە ئاسمانییەکانیان ڕاگرتبوو، بەڵام بەیانی ئەمڕۆ زۆربەیان دەستیان بە گەشتەکانیان کردەوە.