بوومەلەرزەیەک سنووری ئێران - عێراقی هەژاند

ئاڤا نیوز 

 

بوومەلەرزەیەک بە گوڕی 3.7 پلە لە سنووری سەرپێڵ زەهاو لە شاری کرماشانی ڕۆژهەڵاتی کوردستان ڕووی دا. 

 

زانیاریی بەدەستهاتوو: بەشێک لە هاونیشتمانیانی قەزای خانەقین هەستیان بە بوومەلەرزەکە کردووە، کە چەقەکەی لە سەرپێل زەهاوی کرماشان لە ڕۆژهەڵاتی کوردستان بووە و بە گوڕی 3.7 ڕووی داوە.

 

ئەوەی پێویستە بیزانیت: بەپێی ڕاپۆرتی مانگانەی دەستەی گشتیی کەشناسی و بومەلەرزەزانی عێراق تەنیا لە مانگی ڕابردوودا، 22 بوومەلەرزە لە عێراق تۆمارکراون، کە هەشت لە ناوخۆی عێراق، 12 بوومەلەرزەش لەناو خاکی تورکیا، یەک بوومەلەرزە لەناو سنووری ئێران، یەکیش لە ناو خاکی سووریادا ڕوویان داوە.