ئێران باڵیۆزانی بەریتانیا، فەرەنسا و ئەڵمانیا بانگهێشت دەکات

ئاڤا نیوز

 

وەزارەتی دەرەوەی ئێران باڵیۆزی بەریتانیا، فەرەنسا و ئەڵمانیای بانگهێشت کردووە لەسەر ئەوەی هەڵوێستیان بەرامبەر بە هێرشی ئێران بۆ سەر ئیسرائیل.

 

وێنە گەورەکە: درەنگانی شەوی 13 لەسەر 14ـی ئەم مانگە ئێران بە سەدان فڕۆکەی بێفڕۆکەوان و مووشەک هێرشی کردە سەر ئیسرائیل و ئەمەش کاردانەوەی وڵاتانی جیهانی بەدوای خۆیدا هێناوە.

 

زانیاریی بەدەستهاتوو: بەپێی میدیاکانی ئێران، وەزارەتی دەرەوەی ئێران ئەمڕۆ هەریەک لە باڵیۆزانی بەریتانیا، فەرەنسا و ئەڵمانیای بانگهێشت کردووە بۆ پرسین لەبارەی "هەڵوێستی نابەرپرسانەیان" لەسەر هێرشەکەی ئێران بۆ سەر ئیسرائیل.

 

زانیاریی زیاتر: هەر بەپێی هەواڵی میدیاکان، ئێران پێی وایە هەڵوێستی ئەو سێ وڵاتە نابەرپرسانەیە و لەمبارەیەوە پرسیاریان لێدەکرێت، چونکە تاران پێی وایە کە هێرشەکە بەرگریکردن بووە لە خۆی و وەڵامی هێرشەکەی سەر کۆنسوڵخانەیانە لە دیمەشق.