بەریتانیا فڕۆکەی جەنگی زیاتر لە ڕۆژهەڵاتی ناوەڕاست جێگیر دەکات

ئاڤا نیوز

بەریتانیا بڕیاری داوە فڕۆکەی جەنگی زیاتر لە بنەکە سەربازییەکانی لە ڕۆژهەڵاتی ناوەڕاست جێگیر بکات.

 

ڕاگەیێنراوی فەرمی: حکومەتی بەریتانیا ڕایگەیاندووە: ''فڕۆکەی جەنگی زیاتر لە ڕۆژهەڵاتی ناوەڕاست جێگیر دەکەین، هۆکارەکەیشی تەنیا بۆ ڕووبەڕووبوونەوەی پاشماوەکانی داعشە لە هەردوو وڵاتانی سووریا و عێراق''

 

ئەوەی پێویستە بیزانیت: بەریتانیا هاوشانی فەرەنسا و ئەمریکا هاوکاری هێزە ئاسمانییەکانی ئیسرائیلی کرد بۆ بەرەنگاربوونەوەی هێرشەکانی شەوی ڕابردووی ئێران، بەڵام حکومەتی بەریتانیا ڕەتی دەکاتەوە بۆ ئەو مەبەستە بڕیاری جێگیرکردنی فڕۆکەی جەنگی زیاتر لە ناوچەکە دابێت.

 

باکگراوند: هێزی ئاسمانیی بەریتانیا ڕۆڵێکی بەرچاوی بینی لە بۆردوومانکردنی داعش لە سووریا و عێراق، بەرپرسانی ئەو وڵاتەش جەخت دەکەنەوە هێشتا ئۆپەراسیۆنەکانیان دژی ڕێکخراوەکە کۆتاییان نەهاتووە.