تورکیا پەیامێک ئاراستەی ئێران دەکات: کۆتایی بە گرژییەکان بێنن

ئاڤا نیوز

تورکیا پەیامێک ئاراستەی ئێران دەکات و داوای لێ دەکات هەنگاوی زیاتر بۆ پەرەسەندنی گرژییەکان لە ڕۆژهەڵاتی ناوەڕاست نەنێن.

چیرۆکی سەرەکی: ئەمڕۆ یەکشەممە هاکان فیدان، وەزیری دەرەوەی تورکیا لەبارەی هێرشەکەی شەوی ڕابردووی ئێران بۆ سەر ئیسرائیل بە تەلەفۆن قسەی لەگەڵ ئەمیر عەبدوڵڵاهیان، وەزیری دەرەوەی ئەو وڵاتە کردووە.

لێدوانی فەرمی: هاکان فیدان بە ئەمیر عەبدوڵڵاهیانی گوتووە: نامانەوێت لەوە زیاتر گرژییەکان پەرەبسێنن و هیوادارین بەزووترین کات کۆتایی بەم دۆخە بێنن.