لە کۆبوونەوەی ئەنجوومەنی ئاسایش هۆشداری لەبارەی دۆخی ڕۆژهەڵاتی ناوەڕاست دەدرێت

ئاڤا نیوز 

سکرتێری نەتەوەیەکگرتووەکان لە کۆبوونەوەی ئەنجوومەنی ئاسایش هۆشداری لەبارەی دۆخی ڕۆژهەڵاتی ناوەڕاست دەدات و دەڵێت، ناوچەکە بەرەو ململانێی وێرانکەر دەڕوات.

وێنە گەورەکە: ئەنجوومەنی ئاسایشی نێودەوڵەتی لەبارەی هێرشی ئێران بۆ سەر ئیسرائیل و پەرەسەندنی گرژییەکان لە ڕۆژهەڵاتی ناوەڕاست لەسەر داواکاریی ئیسرائیل کۆبووەوە.

لێدوانی فەرمی: ئەنتۆنیۆ گۆتێرێس، سکرتێری گشتی نەتەوەیەکگرتووەکان لە میانی کۆبوونەوەی ئەنجوومەنی ئاسایش هۆشداری دا لەوەی "ڕۆژهەڵاتی ناوەڕاست لە لێواری کۆتاییدایە و خەڵکی ناوچەکە ڕووبەڕووی مەترسیی ڕاستەقینەی ململانێیەکی وێرانکەری سەرتاسەری دەبنەوە".

لەلایەکی دیکەوە: گیلاد ئێردان، نوێنەری هەمیشەیی ئیسرائیل لە نەتەوەیەکگرتووەکان لە نامەیەکدا کە ئاراستەی ئەنجوومەنی ئاسایشی کردبوو، داوای کردبوو "دەستبەجێ سوپای پاسدارانی ئێران وەک ڕێکخراوێکی تیرۆریستی بناسێنێت".