لە سیدنی بە چەقۆ هێرش دەکرێتە سەر قەشەیەکی عێراقی

ئاڤا نیوز

 

لە کڵیسەیەکی شاری سیدنی ئوسترالیا، کەسێک بە چەقۆ هێرش دەکاتە سەر قەشەیەک و بە سەختی برینداری دەکات.

 

چیرۆکی سەرەکی: مار ماری ئیمانیۆل، قەشەیەکی کریستیانی عێراقییە و ڤیدیۆی گوتارەکانی لەنێو پلاتفۆرمەکانی سۆشیاڵ میدیا بە باشی بڵاودەبنەوە؛ لەکاتی هێرشەکەدا گوتەکانی قەشە مار ماری بە شێوەی ڕاستەوخۆ لە فەیسبووکدا پەخش دەکرا، ئەوەش وایکرد تاوانبارەکە لە ڤیدیۆکەدا دەربکەوێت.

 

لێدوانی فەرمی: پۆلیسی شاری سیدنی ڕایگەیاند: ''هێرشەکە دووەم هێرشی چەقۆیە لە ماوەی سێ ڕۆژی ڕابردوودا، بەڵام تاوەکو ئێستا هیچ کەسێک گیانیان لەدەست نەداوە''. 

 

زانیاریی زیاتر: ڕاستەوخۆ دوای هێرشەکە، تۆمەتبارەکە لەلایەن پۆلیسەوە دەستگیر کرا، بەڵام تاوەکو ئێستا ڕوونی نەکردووەتەوە بۆچی ئەو کارەی کردووە.