پنتاگۆن: زانیاریمان هەبوو ئێران هێرش دەکاتە سەر ئیسرائیل

ئاڤا نیوز

 

ئەمریکا نایەوێت بچێتە نێو ململانێیەکی ڕاستەوخۆوە لەگەڵ ئێراندا و وەزارەتی دەرەوەی ئەو وڵاتە لەبارەی هێرشەکەوە دەڵێت، زانیاریمان لەسەری هەبوو.

 

ڕاگەیێنراوی فەرمی: وەزارەتی بەرگریی ئەمریکا ڕایگەیاند: "ئێران هیچ زانیارییەکی پێشوەختەی پێنەداین کە بەنیازی هێرشکردنە، هەرچەندە کات و ڕۆژی هێرشەکەمان نەدەزانی، بەڵام زانیاریی سەرەتایمان هەبوو کە ئێران بەنیازی هێرشە".

 

لە لایەکی دیکەوە: وەزارەتی بەرگریی ئەمریکا ئەوەی ڕاگەیاندووە کە ئیسرائیل ئازادە لەوەی چۆن وەڵامی ئێران دەداتەوە، بەڵام پێگەی ئەمریکا نەگۆڕاوە و بەردەوامە لە پاڵپشتیکردنی ئیسرائیل.

 

زانیاریی زیاتر: هێزەکانی ئەمریکا لە رۆژهەڵاتی ناوەڕاست توانیویانە 82 مووشەک و درۆنی ئێرانی تێکبشکێنن.