وەزارەتی گەنجینەی ئەمریکا: هەڵسوکەوتەکانی ئێران مەترسی لەسەر سەقامگیری ناوچەکە دروست دەکات

ئاڤا نیوز 

 

وەزارەتی گەنجینەی ئەمریکا ڕایدەگەیێنێت، هەڵسوکەوتەکانی ئێران مەترسی لەسەر سەقامگیریی ناوچەکە دروست دەکات و لێکەوتەی ئابووری دەبێت. 

 

ڕاگەیێنراوی فەرمی: جانێت یەلین، وەزیری گەنجینەی ئەمریکا: ''کردەوەکانی ئێران مەترسی لەسەر ناوچەکە دروستکردووە، ئەمریکا ئامادەیە لەگەڵ هاوپەیمانەکانیدا گەمارۆی ئابووریی زیاتری بخاتە سەر ئێران".

 

زانیاریی زیاتر: تاوەکو ئێستا وەزارەتی گەنجینەی ئەمریکا زیاتر لە 500 گرووپ و کەسایەتیی ئێرانی خستووەتە لیستی تیرۆرەوە، وەزارەتەکە ئاماژە بەوە دەدات ڕەنگە ئەم ژمارەیە ڕوو لە زیادبوون بکات. 

 

لەلایەکی دیکەوە: وەزیری گەنجینەی ئەمریکا باسی لە کێشەی فەلەستین کرد و دووپاتی کردەوە کە کۆبوونەوەی داهاتووی بانکی جیهانی ''ئای ئێم ئێف'' لەسەر هاوکاریکردنی هاووڵاتیانی فەلەستینی دەبێت.