ئەردۆغان لەبارەی پەرەسەندنی گرژییەکان: پێویستە نەتانیاهۆ سەرکۆنە بکرێت

ئاڤا نیوز

 

ئەردۆغان و نەتانیاهۆ بەردەوام هێرش دەکەنە سەر یەکتر؛ لەبارەی گرژییەکانی ئەم دواییەی نێوان ئێران و ئیسرائیلیشەوە، ئیدارەکەی نەتانیاهۆ بە بەرپرسیار دەزانێت.

 

چیرۆکی سەرەکی: دوای چەند ڕۆژێک لە هێرشەکەی ئیسرائیل بۆ سەر باڵیۆزخانەی ئێران لە دیمەشق، ئێران شەوی شەممە هێرشی تۆڵەی بۆ سەر ئیسرائیل دەستپێکرد و ڕایگەیاند، "مافێکی ڕەوای خۆمان" بووە؛ لە ماوەی چەند کاتژمێرێکدا، سەدان درۆن و مووشەک ئاراستەی ئیسرائیل کران. 

 

لێدوانی فەرمی: ڕەجەب تەیب ئەردۆغان، سەرۆككۆماری توركیا ڕایگەیاند: "هێرشەکەی ئیسرائیل بۆ سەر باڵیۆزخانەی ئێران لە دیمەشق پێشێلکردنی یاسا نێودەوڵەتییەکان بوو".

 

بابەتی سەرەکی: ئەردۆغان دەڵێت: "ئەوانەی لە هێرشەکانی ئیسرائیل هەڵوێستیان نەبووە، لە وەڵامی هێرشەکەی ئێران دەستیان بە ئیدانە کرد، بەڵام نازانن ئەوەی دەبێت ئیدانە بکرێت تەنیا نەتانیاهۆیە".