وەزیری دەرەوەی بەریتانیا: ئیسرائیل بڕیاری داوە تۆڵە لە ئێران بکاتەوە

ئاڤا نیوز 

 

وەزیری دەرەوەی بەریتانیا لە میانەی سەردانێکیدا بۆ ئیسرائیل ڕایگەیاند، ئیسرائیل بڕیاری داوە تۆڵەی خۆی لە هێرشەکەی ئێران بکاتەوە و هێرشێکی پێچەوانە ئەنجام بدات. 

 

لێدوانی فەرمی: دەیڤید کامیرۆن، وەزیری دەرەوەی بەریتانیا ڕایگەیاند "ئەوە ڕوونە کە ئیسرائیلییەکان بڕیاری ئەنجامدانی کردەیەک دەدەن، ئێمە هیوادارین ئەوان بە جۆرێک ئەنجامی بدەن کە کەمترین هەڵکشانی لێبکەوێتەوە". 

 

زانیاریی زیاتر: کامیرۆن سەبارەت بە هەڵکشانی زیاتری گرژییەکانی ڕۆژهەڵاتی ناوەڕاست هۆشداری داوە کە دەشێت هەموو ناوچەکە بگرێتەوە. 

 

ئەوەش بزانە: وڵاتانی ڕۆژئاوا لە هەوڵی ئەوەدان لەڕێگەی سەپاندنی سزای نوێ بەسەر ئێراندا ئیسرائیل ڕازی بکەن بەوەی تۆڵەی خۆی لە ئێران سنووردار بکات.