بەریتانیا جگەرە کێشانی قەدەغەکرد

ئاڤا نیوز  

پەرلەمانی بەریتانیا بڕیارێکی نوێی دەرکردووە، بەپێی بریارەكە هەر کەسێک دوای ساڵی 2009وە لە دایک بووبێت جگەرەكێشانی لێ قەدەغە دەكرێت.

چیرۆکە سەرەکییەکە: لە دانیشتنی ئەمڕۆی پەرلەمانی بەریتانیا، دەنگدان لەسەر پرسی کێشانی جگەرە کراوە، لە کۆی 450 دەنگ 383 کەس دەنگیان داوە کە جگەرەکێشان و جگەرە فرۆشتن بۆ کەسانی لە دایک بووی 2009 بە دواوە قەدەغە بکرێت.

لە لایەکی دیکەوە: بەشێک لە پارتی پارێزگارانی بەریتانیا تانەیان لە یاساکە داوە و دەڵێن بڕیاری قەدەغەکردنی جگەرە، پێشێلکردنی ئازادی تاکەکەسە لە بەریتانیا. 

زانیاریی زیاتر: هێشتا چەند هەنگاوێکی دیکە ماوە بۆ ئەوەی بڕیارەکە ببێت بە یاسایەکی فەرمی لە بەریتانیا، دەبێت ئەنجوومەنی لۆردەکانی بەریتانیاش رەزامەندی بدات، ئەو کات دەبێت بە یاسایەکی فەرمی.