قەشە بریندارکراوەکە لە هێرشكارەكە خۆشدەبێت

ئاڤا نیوز  

ئەو قەشەیەی لەکاتی پەخشی ڕاستەوخۆدا بە چەقۆ هێرشی کرایە سەر، تەندروستی جێگیرە و لە هێرشکارەكەش خۆشدەبێت.

چیرۆکە سەرەکییەکە: دووشەممەی پێشوو لە کەنیسەیەک لە شاری سیدنی ئوستوراڵیا، کوڕێکی تەمەن 16 ساڵ بە چەقۆ هێرش دەکاتە سەر قەشە مار ماری ئیمانیۆلی عێراقی و بە سەختی برینداری دەکات، دوای ڕووداوەکەش پۆلیس دەستبەجێ هێرشکەرەکە دەستگیردەکەن.

لێدوانی فەرمی: قەشە مار ماری ئیمانیۆل ڕایگەیاند: ''ئێستا تەندروستیم جێگیرە و مەترسی لەسەر ژیانم نەماوە، هێرشکارەکە هەر کەسێکە من لێی خۆشدەبم و نزای بۆ دەکەم''.

باکگراوند: مار ماری ئیمانیۆل لە ئوسترالیا دەژی و بە ڕەچەڵەک خەڵکی عێراقە، ماوەی زیاتر لە سالێکە لە تۆڕە کۆمەڵایەتییەکاندا وتارەکان دەنگدانەوەی هەیە و قەشەی کڵێسەی ئاشووریی کاسۆلیکییە.