نزیکەی ملیارێک کەس لە هیندستان دەنگ دەدەن

ئاڤا نیوز

 

هەڵبژاردنە گشتییەکانی هیندستان دەستیان پێکرد و تێیدا 968 ملیۆن کەس مافی دەنگدانیان هەیە؛ چاوەڕێ دەکرێت لەم هەڵبژاردنەدا نارێندرا مۆدی بتوانێت بۆ جاری سێیەم ببێتەوە بە سەرۆکوەزیرانی وڵاتەکە.

 

وێنە گەورەکە: هیندستان گەورەترین دیموکراسیی جیهانە و هەڵبژاردن بە 7 قۆناغ تاوەکو سەرەتای مانگی حوزەیران بەڕێوە دەچێت، ئەنجامەکان دوای چوار ڕۆژ ڕادەگەیێنرێن. 

 

زانیاریی زیاتر: بە گوێرەی پێشبینییەکان پارتی بەهاراتا جانتا کە ئێستا لە دەسەڵاتە، دەتوانێت ببێتە براوەی هەڵبژاردنەکان. ئەم پارتە بە درووشمەکانی گەشەی ئابووری، زیادکردنی خۆشگوزەرانی، شانازیی نیشتمانی و ناسیونالیزمی هیند، لە پێشەوەی هەموو پارتەکانی دیکەیە کە 24 پارتی ئۆپۆزیسیۆنن.